logo Your.tj

Ахбор

Қиссаҳо

Подкастҳо

Афиша

Тиҷорат

Иҷрои нақшаи даъват дар чанд минтақаи Тоҷикистон

Онҳо дар рӯзи аввал нақшаро иҷро кардаанд.

Your tj

11:0502.10.2023

Иҷрои нақшаи даъват дар чанд минтақаи Тоҷикистон

Дирӯз, 1-уми октябр дар Тоҷикистон даъвати тирамоҳӣ ба хизмати ҳарбӣ оғоз шуд, вале аллакай чанд минтақаи кишвар аз иҷрои нақшаи даъват дар рӯзи аввал гузориш доданд. Тавре АМИТ “Ховар” менависад, Вилояти Мухтори Кӯҳистони Бадахшон аввалин шуда нақшаро иҷро кардааст.

Ҷамоатҳои Воруху Чоркӯҳи шаҳри Исфара, ноҳияҳои Вахшу Фархор ва ноҳияҳои минтақаи Рашт низ дар рӯзи аввал аз иҷрои нақшаи даъват ба хизмати ҳарбӣ хабар доданд.

Даъватшавандагон аз Чоркӯҳ

Гуфта мешавад, дар тамоми минтақаҳо гусели ботантана ҷавонон ба сафи Қувваҳои мусаллаҳ барпо гардид.

Фармони даъвати тирамоҳӣ ба артиш, ки то 30 ноябр идома хоҳад кард, дар охири моҳи август аз ҷониби президенти Тоҷикистон Эмомалӣ Раҳмон ба имзо расид.

Ҷавонон аз Вахш ба хизмати ҳарбӣ мераванд

Тибқи ин фармон, ҷавонони соли таваллудашон аз 1996 то 2005 дар маъракаи даъвати тирамоҳӣ ба хидмати ҳарбӣ даъват карда мешаванд. Хизматчиёни ҳарбие, ки муҳлати муқарраршудаи хизмати ҳарбиро адо кардаанд, дар моҳҳои октябр-ноябри соли 2023 аз сафи Қувваҳои мусаллаҳ озод карда мешаванд.

Ҳамчунин, аз 1-уми сентябри соли ҷорӣ тағйиру иловаҳо ба қарор “Дар бораи тартиби адои хизмати ҳарбӣ дар ҳайати даъвати сафарбарӣ” эътибор пайдо кард, ки тибқи он ҳаҷми маблағ барои адои хизмати ҳарбӣ дар ҳайати захираи даъвати сафарбарӣ 750 нишондиҳанда барои ҳисобҳо муқаррар шуда, аз 28 ҳазору 560 сомонӣ ба 51 ҳазор сомонӣ расид.

Маводро мубодила кунед:

Комментарии (0)

Читайте также

Тавассути ImonLine пардохт кун, кешбэк гир ва 500 сомонӣ бурд кун! Имкониятҳои бештар барои корбарони ImonLine

8 часов назад

"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?

5 дня назад

Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд

5 дня назад

Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид

17 дня назад

Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?

20 дня назад

Ахбори Тоҷикистон

Асосӣ