Худкушии як наврас ва ду марги мармуз дар як рӯз

2 ноябр дар Тоҷикистон ду ҷасадро пайдо кардаанд, ки сабаби маргашон маълум нест, ҳамчунин як навраси 17-сорла худро ба дарё андохтааст, ки ҷасади онро ҳоло ҷустуҷӯ доранд.

Тибқи иттилои Кумитаи ҳолатҳои фавқулодда, соати 16:05-и дирӯз дар шаҳри Душанбе ҷасади марди 49-сола аз дохили чоҳе дар кӯчаи Фирдавсӣ пайдо шудааст.

Мард сокини ноҳияи Мир Сайид Алии Ҳамадонӣ буда, сабаби маргаш ҳоло муайян нашудааст. Ҷасад барои ташхиси судиву тиббӣ ба мақомоти тафтишотӣ супурда шудааст.

Ҳамон рӯз, соати 17:40, як сокини 17-солаи деҳаи Вешапи ноҳияи Айнӣ худро аз болои пул ба дарёи Зарафшон андохтааст. Гуфта мешавад, ки наврас ба сабабҳои номаълум даст ба худкушӣ задааст. Ҷустуҷӯи ҷасад аз ҷониби наҷотдиҳандагон идома дорад.

Ҳамчунин, соати 12:45-и рӯзи 2 ноябр дар ноҳияи Рӯдакӣ ҷасади марди 29-сола бо нишонаҳои марги маҷбурӣ дар канали "Кӯктош-1" ёфт шудааст. Мақомоти ҳифзи ҳуқуқ таҳқиқи сабабҳои ҳар се ҳодисаро идома медиҳанд.