logo Your.tj

Ахбор

Қиссаҳо

Подкастҳо

Афиша

Тиҷорат

Хадамоти зиддиинҳисорӣ афзоиши нархи барқро шарҳ дод

Яке аз кормандони Хадамоти зиддиинҳисорӣ гуфт, дар натиҷа хароҷот барои молу хизматрасониҳо низ меафзояд.

Your tj

12:0711.02.2026

Хадамоти зиддиинҳисорӣ афзоиши нархи барқро шарҳ дод

Гароншавии тарифҳои барқ ва гармидиҳӣ ба эҳтиёҷи молиявӣ дар соҳаи энергетика, иҷрои ӯҳдадориҳо дар назди муассисаҳои қарзӣ, афзоиши хароҷоти истеҳсолӣ, гароншавии нархи сӯзишворӣ ва қисмҳои эҳтиётӣ, ҳамчунин баланд шудани маоши кормандони соҳа вобаста аст.

Ҳайдаралӣ Раҷабзода сардори Хадамоти зиддиинҳисории Тоҷикистон 6 феврал дар нишасти матбуотӣ сабаби гароншавии барқро чунин шарҳ додааст, менависад "Азия-Плюс".

Ба гуфтаи ӯ, дар соли 2025 тарифҳо ду маротиба бознигарӣ шуданд ва апрели соли гузашта низ нархи барқ барои аҳолӣ боло рафта буд.

Аз 1 феврали соли 2026, қарори нав дар бораи тарифҳои барқ ва гармидиҳӣ мавриди амал қарор гирифт. Ба гуфтаи Раҷабзода, ин қарор барои рушди соҳаи энергетика ва таъмини устувории молиявии ширкатҳои «Барқи тоҷик», «Шабакаҳои интиқоли барқ» ва «Шабакаҳои тақсими барқ» равона шудааст.

Ҳамчунин, яке аз кормандони Хадамоти зиддиинҳисорӣ гуфт, гароншавии тарифҳо ба бисёр бахшҳои иқтисод таъсир мерасонад. Барқ унсури асосӣ барои операторони мобилӣ, корхонаҳои алоқа, хонаҳо ва соҳаи истеҳсолот аст. Дар натиҷа хароҷот барои молу хизматрасониҳо низ меафзояд.

Маводро мубодила кунед:

Комментарии (0)

Читайте также

"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?

4 дня назад

Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд

4 дня назад

Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид

16 дня назад

Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?

19 дня назад

Октябри гулобӣ чист? Чаро огоҳӣ аз саратони сина муҳим аст?

20 дня назад

Ахбори Тоҷикистон

Асосӣ