Ахбор
Қиссаҳо
Подкастҳо
Афиша
Тиҷорат
Фурудгоҳи Душанбе рӯзона барои мусофирон баста шуд. Парвозҳо танҳо шабона анҷом мешаванд
Дата публикации: 12:2202.08.2021
Бинобар оғози корҳои таъмирӣ дар хатти парвози Фурудгоҳи байналмилалии Душанбе, ки як моҳ идома мекунад, фурудгоҳ рӯзона барои мусофирон баста мешавад, хабар дод ба Your.tj котиби матбуотии фурудгоҳи мазкур Ҷамила Ҳусейнова.
“Дар фурудгоҳ рӯзона корҳои таъмирӣ идома меёбанд, ҳамаи парвозҳо танҳо шабона ва субҳгоҳӣ анҷом дода мешаванд. Корҳои таъмирии хатти парвоз аз 1-уми август то 1-уми сентябри соли ҷорӣ аз соати 8-и пагоҳӣ то 7-и бегоҳ идома хоҳанд ёфт”,- иттилоъ дод Ҳусейнова.
Ба гуфтаи ӯ, корҳои тармиму таҷдид аз ҳисоби худи фурудгоҳ анҷом мешавад ва ҳама ширкатҳо аз тағйири вақти парвозҳо мусофиронашонро пешакӣ огоҳ менамоянд.
То оғози таъмир фурудгоҳ дар як шабонарӯз зиёда аз 15-16 хатсайрро қабул ва гусел мекард. Дар баъзе рӯзҳо шумораи парвозҳо то 21 – то мерасид.
Ширкати ҳавопаймоии “Сомон Эйр” аввалин шуда мусофирони худро аз тағйири вақти парвозҳо огоҳ намуда гуфт, ки ҳама парвозҳои ширкат тӯли як моҳи оянда танҳо шабона ва субҳгоҳӣ анҷом мешаванд. “Мусофирони хатсайрҳое, ки вақти парвозиашон тағйир пазируфтаанд, пешакӣ огоҳонида мешаванд. Барои гирифтани маълумоти зарурӣ лутфан бо маркази маълумотдиҳии ширкати ҳавопаймоӣ бо рақамҳои зерин тамос гиред:
+992 (93) 777 74 59
+992 (44) 640 40 49
+992 (44) 640 40 50
[email protected]”, - гуфта мешавад дар иттилоияи “Сомон Эйр”
1017 просмотра
Комментарии (0)
Читайте также
Тавассути ImonLine пардохт кун, кешбэк гир ва 500 сомонӣ бурд кун! Имкониятҳои бештар барои корбарони ImonLine
8 часов назад
"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?
5 дня назад
Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд
5 дня назад
Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид
17 дня назад
Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?
20 дня назад