Ахбор
Қиссаҳо
Подкастҳо
Афиша
Тиҷорат
Фавти ду зоири тоҷик дар Арабистон. Фавтидагонро дар “Масҷид-ул-ҳаром” ҷаноза кардаанд
Дата публикации: 12:4713.07.2022
Ду зоири тоҷикистонӣ зимни маросими Ҳаҷ-2022 дар Арабистони Саудӣ фавтиданд. Яке аз онҳо зодаи шаҳри Исфара ва дигарӣ аз ноҳияи Қубодиён аст, хабар медиҳад Кумитаи дин бо истинод ба сардухтури мавсими ҳаҷи имсола Тӯрахон Шарифзода.
Ҷанозаи Муҳаммад Расулови 62-сола, сокини шаҳри Исфара ва Қизларгул Тоҷиева, сокини 64- солаи ноҳияи Қубодиён дар “Масҷид-ул-ҳаром” баргузор гардидааст.
Сабаби фавти зоиринро сардухтури мавсим сактаи дил гуфтааст.
Шарифзода гуфтааст, зоирони дигари тоҷикистонӣ солим буда, баъзе аз онҳо бинобар сабаби гармии аз ҳад зиёди ҳаво, аз сабаби нӯшидани оби хунук ба бемориҳои дарди гулӯ, зуком, баландшавии ҳарорат, бемадорӣ, дарди мушакҳо, фишорбаландӣ ба табиб муроҷиат мекунанд.
Ба иттилои манбаъ, то имрӯз миёни зоиррони тоҷик ҳолати гирифторӣ ба “COVID-19” ба қайд гирифта нашудааст ва ба зоирони тоҷик шароити хуби хизматрасонии тиббӣ фароҳам аст.

Ёдовар мешавем, ки имсол пас аз танафуси 2-сола зоирони тоҷик барои адои маросими ҳаҷ-2022 ба Арабистони Саудӣ рафтанд. Имсол барои тоҷикистониён кишвари мизбон 3562 квота ҷудо кардааст.
Ду соли охир сафари зоирони тоҷик ба далели пандемияи коронавирус манъ шуда буд.
Аввалин гуруҳи зоирони тоҷик рӯзи 20 июн ба Арабистони Саудӣ рафта буданд. Арзиши имсолаи сафари ҳаҷ нисбат ба соли 2019 тақрибан 25 ҳазор сомонӣ гарон шудааст, ки он тақрибан 61 ҳазор сомонӣ, (5 ҳазору 350 доллар) муайян гардидааст.
Болоравии қимати ҳаҷро дар Кумиати дин ба афзоиши қимати якчанд хизматрасониҳо дар Арабистони Саудӣ рабт доданд. "Чунончӣ хидматрасонӣ дар Мино ва Арафот барои ҳар як зоир 236 доллар буд, аммо имсол бинобар ба эътибор гирифтани чораҳои ҷиддии беҳдоштӣ дар ин кишвар хароҷотро то 1424 доллар боло бурдааст", - гуфта буданд дар Кумитаи дин.
Ин фавти аввали ҳоҷиёни тоҷик дар Арабистони Саудӣ нест. То соли 2019 қариб дар ҳар мавсим фавти зоирони тоҷик ба қайд гирифта мешавад.
1309 просмотра
Комментарии (0)
Читайте также
"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?
4 дня назад
Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд
5 дня назад
Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид
17 дня назад
Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?
20 дня назад
Октябри гулобӣ чист? Чаро огоҳӣ аз саратони сина муҳим аст?
20 дня назад