logo Your.tj

Ахбор

Қиссаҳо

Подкастҳо

Афиша

Тиҷорат

Ду афсари тоҷик дар даргирии мусаллаҳона дар марз бо Афғонистон кушта шудаанд

Ҳамчунин манбаъҳо хабар медиҳанд, ки ду сарбози захмӣ ба бемористон интиқол дода шудаанд.

Your tj

11:1925.12.2025

Ду афсари тоҷик дар даргирии мусаллаҳона дар марз бо Афғонистон кушта шудаанд

Дар задухӯрди мусаллаҳона дар марзи Тоҷикистону Афғонистон дар ноҳияи Шамсиддини Шоҳин ду афсари тоҷик кушта ва ду сарбоз захмӣ шудаанд.

Ба навиштаи Радиои Озодӣ, ҳодиса баъди нисфирӯзии 24 декабр дар наздикии деҳаи Қавоқ рух додааст. Манбаъҳо мегӯянд, яке аз афсарони кушташуда Зиребон Наврӯзбеков, 33-сола, зодаи ноҳияи Шуғнон буда, бо шаш тир ба ҳалокат расидааст ва ҷасадаш пас аз ташхис ба зодгоҳаш интиқол ёфтааст.

Ба гуфтаи манбаъҳои мақомоти интизомии минтақаи Кӯлоб, ҷасади афсари дигар Исматулло Қурбонови 28-сола, зодаи ноҳияи Ҳамадонӣ ба ҷуқурии тақрибан 200 метр афтида, барои берун овардани он гурӯҳи наҷотбахшон сафарбар шудаанд. Ҳарду афсар дар қисми марзбонии «Саричашма» адои хизмат мекардаанд.

Манбаъҳо ҳамчунин хабар медиҳанд, ки ду сарбози захмӣ ба бемористон интиқол дода шудаанд. Ба гуфтаи онҳо, ҳодиса замоне рух додааст, ки марзбонҳо ҳангоми дидани қочоқбарон фармони муҳосира додаанд ва аз ҷониби гурӯҳҳои мусаллаҳ ҳамла сурат гирифтааст.

Манбаъҳои ҷудогона ба Радиои Озодӣ гуфтаанд, аз ҷониби муқобил се қочоқбари мусаллаҳ кушта шуда, аз онҳо силоҳҳои оташфишон мусодира гардидааст. Ҳувияти онҳо ҳанӯз маълум нест.

Тоҷикистон бо Афғонистон тақрибан 1400 километр марз дорад. Дар моҳи охир аз хоки Афғонистон ба ноҳияҳои Шамсиддини Шоҳин ва Дарвоз ду ҳамла сурат гирифта, дар пайи онҳо коргарони чинӣ кушта ва захмӣ шуданд. Мақомоти Тоҷикистон ин ҳамлаҳоро маҳкум кардаанд.

Маводро мубодила кунед:

Комментарии (0)

Читайте также

"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?

4 дня назад

Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд

5 дня назад

Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид

17 дня назад

Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?

20 дня назад

Октябри гулобӣ чист? Чаро огоҳӣ аз саратони сина муҳим аст?

20 дня назад

Ахбори Тоҷикистон

Асосӣ