logo Your.tj

Ахбор

Қиссаҳо

Подкастҳо

Афиша

Тиҷорат

Дар Суғд ба 80 зани соҳибкор грант дар ҳаҷми то 10 ҳазор сомонӣ медиҳанд

Your tj

13:1610.04.2026

Дар Суғд ба 80 зани соҳибкор грант дар ҳаҷми то 10 ҳазор сомонӣ медиҳанд

Дар вилояти Суғд барои дастгирии занони соҳибкору ҳунарманд аз номи раиси вилоят грантҳои молиявӣ ҷудо мегарданд. Дар маҷмуъ, 80 зан метавонанд аз 5 то 10 ҳазор сомонӣ кумаки бебозгашт дарёфт намоянд.

Тавре Раёсати кор бо занон ва оилаи вилояти Суғд хабар медиҳад, барои татбиқи ин иқдом аз буҷети вилоят 560 ҳазор сомонӣ пешбинӣ шудааст.

Грантҳо ба заноне равона мешаванд, ки лоиҳаҳои онҳо ба ҳалли масъалаҳои иҷтимоии занон ва таъсиси ҷойҳои нави корӣ мусоидат мекунанд. Аз ҷумла, сухан дар бораи рушди ҳунарҳои мардумӣ ва фаъолияти истеҳсолӣ, ба мисли бофандагӣ, дӯзандагӣ, кулолгарӣ, чӯбкорӣ, ресандагӣ, рассомӣ ва дигар самтҳо меравад.

Тибқи иттилоъ, грантҳо ба таври зерин тақсим мешаванд:

20 грант — 10 ҳазор сомонӣ;

20 грант — 8 ҳазор сомонӣ;

40 грант — 5 ҳазор сомонӣ.

Қабули лоиҳаҳо аз 10 апрел оғоз шуда, то 10 июни соли 2026 идома меёбад.

Ёдовар мешавем, ки гранти раиси вилояти Суғд аз соли 2010 амал карда, ҳамасола барои дастгирии занони ҳунарманд ҷудо мешавад. Соли гузашта 60 нафар зан соҳиби ин грант гардида буданд.

Маводро мубодила кунед:

Комментарии (0)

Читайте также

Тавассути ImonLine пардохт кун, кешбэк гир ва 500 сомонӣ бурд кун! Имкониятҳои бештар барои корбарони ImonLine

8 часов назад

"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?

5 дня назад

Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд

5 дня назад

Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид

17 дня назад

Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?

20 дня назад

Ахбори Тоҷикистон

Асосӣ