logo Your.tj

Ахбор

Қиссаҳо

Подкастҳо

Афиша

Тиҷорат

Дар роҳҳои байнишаҳрии Тоҷикистон суръатсанҷ ва дурбинҳои назоратӣ насб мешаванд

Дурбинҳо ва радарҳои нав суръати ҳаракат, убури хати муқобил ва дигар қоидавайронкуниҳои хатарнокро сабт карда метавонанд.

Your tj

09:2906.10.2025

Дар роҳҳои байнишаҳрии Тоҷикистон суръатсанҷ ва дурбинҳои назоратӣ насб мешаванд

Бо мақсади коҳиши садамаҳои нақлиётӣ ва таъмини бехатарии ҳаракат, дар роҳҳои байнишаҳрии Тоҷикистон асбобҳои суръатсанҷ (радар) ва дурбинҳои назоратӣ насб мекунанд.

Ба иттилои масъулон, ин таҷҳизот аллакай дар баъзе аз шоҳроҳҳои сермошини кишвар, аз ҷумла роҳҳои Душанбе–Ҳисор, Душанбе–Ваҳдат ва Душанбе–Бохтар насб шуда, аллакай кор мекунанд.

Гуфта мешавад, ин иқдом дар доираи лоиҳаи NERU амалӣ мегардад, ки ҳадафи он мусоидат ба таъмини бехатарии ҳаракат дар роҳ ва кам кардани шумораи садамаҳо мебошад.

Ба иттилои мақомот, роҳҳои байнишаҳрӣ дар кишвар аз хатарноктарин самтҳо ба ҳисоб мераванд. Ҳар сол дар ин роҳҳо даҳҳо садамаи марговар ба қайд гирифта мешавад. Танҳо соли гузашта, ба иттилои Вазорати корҳои дохилӣ, дар натиҷаи садамаҳои нақлиётӣ 552 нафар ҷон бохта, садҳо тани дигар ҷароҳат бардоштаанд.

Дурбинҳо ва радарҳои нав суръати ҳаракат, убури хати муқобил ва дигар қоидавайронкуниҳои хатарнокро сабт мекунанд. Маълумоти сабтшуда барои вокуниши саривақтӣ ва таҳлили мунтазами сабабҳои садамаҳо истифода мешавад.

Масъулон мегӯянд, бо насби ин таҷҳизот ронандагон маҷбуранд меъёрҳои суръат ва қоидаҳои ҳаракатро дар роҳҳои байнишаҳрӣ риоя кунанд, дар акси ҳол онҳо ҷарима мешаванд.

Маводро мубодила кунед:

Комментарии (0)

Читайте также

"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?

4 дня назад

Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд

5 дня назад

Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид

17 дня назад

Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?

20 дня назад

Октябри гулобӣ чист? Чаро огоҳӣ аз саратони сина муҳим аст?

20 дня назад

Ахбори Тоҷикистон

Асосӣ