Дар як сол беш аз 613 ҳазор тоҷикистонӣ ба ватан баргаштаанд

Имматшо Нодирзода, сардори Хадамоти муҳоҷирати Тоҷикистон дар нишасти хабарии 11-уми феврал гуфт, соли 2024 беш аз 613 ҳазор нафар шаҳрвандони кишвар ба ватан баргаштанд. Вале гуфта нашуд, ки чанд нафари онҳо ихроҷ шудаанд.

 

Посмотреть эту публикацию в Instagram

 

Публикация от YOUR TJ (@your_tj)

Дар нишасти хабарии Вазорати меҳнат Солеҳа Холмаҳмадзода вазири ин ниҳод низ аз додани омори муҳоҷирон худдорӣ кард.

Ӯ танҳо зикр кард, ки бозгашти муҳоҷирон ба ватан “вобаста аз дигаргуниҳо дар қонунҳои Русия” бештар шуд.

 

Посмотреть эту публикацию в Instagram

 

Публикация от YOUR TJ (@your_tj)

Чанде пеш Ҳабибулло Назарзода раиси Агентии авиатсияи гржданӣ дар нишасти хабарӣ гуфт, дар соли 2024 моҳе тақрибан 300-350 нафар шаҳрвандони кишвар аз фурудгоҳҳои Русия ихроҷ шудаанд. Аммо ӯ низ омори мушаххасро пешниҳод накард.

Дар нишасти қаблии вазорати меҳнат Гулнора Ҳасанзода вазири собиқи ин ниҳод гуфта буд, ки танҳо дар шаш моҳи аввали соли 2024 беш аз 17 ҳазор нафар тоҷикистониён аз Русия ихроҷ шуданд.

Пас аз ҳамлаи террористӣ ба толори консертии “Крокус” дар Русия, ки гумонбарони асосии он шаҳвандони Тоҷикистонанд, чанд қонунҳои зиддимуҳоҷиратӣ дар Русия қабул шуда, тафтишу фишор ва ихроҷи муҳоҷирон, махсусан шаҳрвандони Тоҷикистон афзуд.