logo Your.tj

Ахбор

Қиссаҳо

Подкастҳо

Афиша

Тиҷорат

Дар Душанбе Мухтор Заргаров, собиқадори ҶБВ даргузашт

Бо даргузашти Заргаров, дар шаҳри Душанбе танҳо як собиқадори ҷанг — Бозор Нағзибеков боқӣ мондааст.

Your tj

16:4723.05.2025

Дар Душанбе Мухтор Заргаров, собиқадори ҶБВ даргузашт

Мухтор Заргаров, яке аз ду собиқадори дар қайди ҳаёти Ҷанги Бузурги Ватанӣ дар шаҳри Душанбе, дар синни 104-солагӣ даргузашт. Дар ин бора "Паёми Душанбе" бо такя ба Шӯрои собиқадорони ҷангу меҳнати пойтахт хабар медиҳад. 

Заргаров 29 апрели соли 1921 ба дунё омада, соли 1942 ихтиёран ба фронт рафтааст. Ӯ ҳамчун пулемётчӣ дар муҳорибаҳои шадиди Курск, инчунин дар амалиётҳои ҷангӣ дар Беларус, Украина ва Лаҳистон иштирок кардааст ва Иди Ғалабаро дар Кёнигсберг (ҳоло Калининград) ҷашн гирифтааст.

Пас аз анҷоми ҷанг ӯ ба Тоҷикистон баргашта, дар сохтмони нерӯгоҳҳои обӣ-барқии Варзоб ва Хуҷанд ва барқарорсозии Қалъаи Ҳисор саҳм гузоштааст. То охири умраш дар ноҳияи Синои шаҳри Душанбе зиндагӣ кардааст.

Бо даргузашти Заргаров, дар шаҳри Душанбе танҳо як собиқадори ҷанг — Бозор Нағзибеков боқӣ мондааст. Тибқи иттилои Шӯрои собиқадорон, феълан дар саросари кишвар ҳамагӣ 16 куҳансарбози Ҷанги Бузурги Ватанӣ дар қайди ҳаёт мебошанд. Аз ин шумора 8 нафар дар Хатлон, 5 нафар дар ВМКБ, 2 нафар дар Суғд ва 1 нафар дар Душанбе зиндагӣ мекунанд.

Муаллифи Your.tj чор сол қабл бо Мухтор Заргаров суҳбат карда, дар бораи иштироки ӯ дар ҷанг ва ҳаёти беш аз якасраи ӯ навишта буд.

Ин қиссаро дар ин ҷо хонда метавонед.

Маводро мубодила кунед:

Комментарии (0)

Читайте также

"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?

4 дня назад

Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд

5 дня назад

Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид

17 дня назад

Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?

20 дня назад

Октябри гулобӣ чист? Чаро огоҳӣ аз саратони сина муҳим аст?

20 дня назад

Ахбори Тоҷикистон

Асосӣ