logo Your.tj

Ахбор

Қиссаҳо

Подкастҳо

Афиша

Тиҷорат

Дар ду сол дар Тоҷикистон 328 оила аз минтақаҳои хавфнок ба ҷойи бехавф кӯчонида шудаанд

Соли 2025 дар кишвар 287 ҳолати фавқулода сабт шуда, аз онҳо 12 ҳолат офатҳои табиӣ будааст. Ҳаҷми умумии зарар беш аз 20 миллион сомониро ташкил додааст.

Your tj

15:2014.01.2026

Дар ду сол дар Тоҷикистон 328 оила аз минтақаҳои хавфнок ба ҷойи бехавф кӯчонида шудаанд

Тибқи «Нақшаи миёнамуҳлати кӯчонидани муташаккилонаи муҳоҷирони экологӣ барои солҳои 2024–2026» сокинон аз минтақаҳои хавфнок ба ҷойҳои бехавф кӯчонида мешаванд.

Дар соли 2025 аз мавзеъҳои хавфнок 174 хоҷагӣ ба минтақаҳои амн кӯчонида шудаанд, хабар медиҳад АМИТ «Ховар» бо такя ба иттилои сардори Сарраёсати ҳифзи аҳолӣ ва ҳудуди Кумитаи ҳолатҳои фавқулода Ҷамшед Камолзода.

Соли 2024 бошад, 154 хоҷагӣ ба ҷойҳои бехавя кӯчонида шудаааст. Ба гуфтаи Камолзода, кӯчонидани аҳолӣ яке аз самтҳои калидии корҳои пешгирикунандаи офатҳои табиӣ мебошад.

«Барои ин дар назди кумита гурӯҳҳои махсуси корӣ фаъоланд, ки бо ҷалби мутахассисони муҳандисӣ ва геология ҳолати манзилҳоро арзёбӣ намуда, тавсияҳои техникӣ пешниҳод мекунанд», - гуфтааст ӯ.

Ҳамзамон зикр шуд, ки дар кишвар «Стратегияи миллии паст кардани хавфи офатҳои табиӣ барои солҳои 2019-2034» амалӣ мегардад. Тибқи ин санад, дар Тоҷикистон бештар сел, заминларза ва тармафароӣ ба қайд гирифта мешаванд ва заминларза аз лиҳози ҳаҷми хисорот хатарноктарин арзёбӣ мегардад.

Ба иттилои Кумитаи ҳолатҳои фавқулода, соли 2025 дар кишвар 287 ҳолати фавқулода сабт шуда, аз онҳо 12 ҳолат офатҳои табиӣ будааст. Ҳаҷми умумии зарар беш аз 20 миллион сомониро ташкил додааст.

Барои пешгирии оқибатҳои селу обхезиҳо соли 2025 аз буҷети давлатӣ беш аз 28 миллион сомонӣ ҷудо гардида, корҳои соҳилмустаҳкамкунӣ дар беш аз 20 шаҳру ноҳияи осебпазир анҷом дода шудаанд.

Маводро мубодила кунед:

Комментарии (0)

Читайте также

Тавассути ImonLine пардохт кун, кешбэк гир ва 500 сомонӣ бурд кун! Имкониятҳои бештар барои корбарони ImonLine

21 часов назад

"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?

5 дня назад

Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд

6 дня назад

Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид

18 дня назад

Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?

20 дня назад

Ахбори Тоҷикистон

Асосӣ