Дар чанде аз кӯчаҳои Душанбе ду рӯз барқ қатъ мешавад

Бо сабаби гузаронидани корҳои таъмирӣ, дар рӯзҳои 8 ва 9-уми март, аз соати 08:00 то 17:00 дар як қисми кӯчаҳои ноҳияи И.Сомонӣ интиқоли қувваи барқ қатъ хоҳад шуд.

Дар ин бора “Шабакаҳои тақсимоти барқ” дар шаҳри Душанбе хабар дод.

Барқ дар кӯча ва биноҳои давоми ду рӯз қатъ карда мешавад:

• Хиёбони Рудакӣ, кӯчаҳои И.Сомонӣ, Л.Шералӣ, М.Турсунзода, Фотеҳ Ниёзӣ, Некрасов, Бохтар, Ойгул, М.Холов, Пушкин;
• ҶСП “Ориёнбонк”, хонаи Нависандагон, меҳмонхонаҳои “Авесто” ва “Тоҷикистон”, чойхонаи “Роҳат”;
• Дигар иншооти муҳими шаҳр, аз ҷумла Маҷлиси Олӣ, хонаи Радио, бинои Вазорати корҳои кохилӣ, Кумитаи амнияти миллӣ, Хадамоти алоқа ва Вазорати мудофиа.

Дар иншооти зикршуда барои корҳои таъмирӣ ва профилактикӣ қувваи барқ қатъ хоҳад шуд, менависад манбаъ.

Гуфта мешавад, барои таъмини иҷрои ҳарчи зудтари корҳои таъмирӣ, дар баъзе мавридҳо қувваи барқ пеш аз муҳлати нишондодашуда пайваст карда мешавад.