Дар Афғонистон бар асари заминларзаи шадид 255 нафар ба ҳалокат расидааст

Ахбор

Қиссаҳо

Подкастҳо

Афиша

Тиҷорат

Ахбор Қиссаҳо Подкастҳо Афиша Тиҷорат

ru tj en

Асосӣ Қиссаҳо

Дар Афғонистон бар асари заминларзаи шадид 255 нафар ба ҳалокат расидааст

Мақомоти вазорати умури дохилии Толибон дар суҳбат бо хабаргузории “Ройтерс” гуфтаанд, ки садҳо нафари дигар дар натиҷаи ин фалокат захм бардоштаанд.

Автор: Your tj

Дата публикации: 14:1622.06.2022

Мубодила кардан:

Дар Афғонистон бар асари заминларзаи шадид 255 нафар ба ҳалокат расидааст

Дар вилояти Пактикои Афғонистон бар асари заминларзаи бештар аз 6 дараҷаӣ 255 нафар ба ҳалокат расидааст.

Мақомоти вазорати умури дохилии Толибон дар суҳбат бо хабаргузории “Ройтерс” гуфтаанд, ки садҳо нафари дигар дар натиҷаи ин фалокат захм бардоштаанд. Як мақоми дигари вилояти Пактико ба Би Би Си гуфтааст, ки дар заминларза камаш 250 нафар ҷон додаанд.

Гуфта мешавад, ки наҷотдиҳандагон барои кумак бо чархбол ба маҳалли ҳодиса шитофтаанд.

Заминларза дар Афғонистон/ акс аз сомонаи aa.com.tr

Толибон баъди тарки неруҳои Амрико ва ҳампаймонҳояш аз Афғонистон дар моҳи августи соли 2021 дигарбора ба қудрат баргаштанд. Идораи Зилзиласанҷии Амрико гуфт, ки заминларза бо неруи 6.1 дараҷа субҳи 22-уми июн бахшҳое аз Афғонистону Покистонро такон додааст.

Марказҳои зилзиласанҷии Аврупо ва Олмон неруи заминларзаро 6 дараҷа гуфтаанд. Бино ба гузориши Идораи Зилзиласанҷии Амрико маркази заминларза дар 46 километрии шаҳри Хӯст дар ҷанубушарқи Афғонистон ва дар умқи 51 километр будааст. Заминларзаро дар Покистону Афғонистону Ҳинд ва Тоҷикистон бештар аз 119 миллион нафар эҳсос кардаанд.

#Заминларза дар Афғонистон #Фавти 255 нафар дар заминларза

727 просмотра

Маводро мубодила кунед:

Комментарии (0)

Читайте также