Ахбор
Қиссаҳо
Подкастҳо
Афиша
Тиҷорат
Дата публикации: 11:5009.08.2022
Дар шаҳри Исфара 22 нафар сокинон пас аз истеъмоли хӯрок дар қаҳвахонаи маъруфи “Одилон” заҳролуд гардиданд, ки аз онҳо 10 нафарашон дар беморхона бистарӣ шудаанд. Дар бораи заҳролуд ва бистарӣ шудани сокинон котиби матбуотии раиси шаҳри Исфара Зубайдулло Шомадов дар Facebook хабар додааст.
Ба гуфтаи яке аз пизишкони беморхонаи марказии шаҳри Исфара, ин нафарон пас аз истеъмоли хӯриш заҳролуд шудаанд.
“Якчанд рӯз қабл ба шӯъбаи сироятии беморхона 22 нафар бо нишонаҳои заҳролудшавӣ муроҷиат карданд, ки айни ҳол 10 нафарашон бистарӣ мебошанд. Табобати ин беморон пурра ройгон ба роҳ монда шудааст”, - гуфт пизишк ба Your.tj.
Вобаста ба заҳролудшавии сокинон, раиси шаҳр Баҳоваддин Баҳодурзода дар як ҷаласаи корӣ ба роҳбарияти Беморхонаи марказии шаҳр, Маркази назорати давлатии санитарию эпидемиологӣ ва Кӯмаки аввалияи тиббӣ-санитарӣ дастур додааст, ки табобати нафарони заҳролудшуда пурра ройгон ба роҳ монда шавад.
“Ҳамзамон шаҳрдори Исфара аз масъулин қотеъона талаб намуд, ки гунаҳкорони ҳодиса ба ҷавобгарӣ кашида шуда, фаъолияти сохторҳои санитарию эпидемиологӣ ва бехатариии озуқаворӣ дар самти назорати вазъи беҳдоштии тарабхонаву ошхонаҳо ва нуқтаҳои савдою марказҳои хизматрасонӣ пурзур карда шавад”, - навиштааст Шомадов дар Facebook.
Сокинони шаҳр имрӯз, 9 август дар суҳбат ба Your.tj гуфтанд, ки айни ҳол дари қаҳвахонаи “Одилон” барои муштариён баста аст.
Читайте также
Тавассути ImonLine пардохт кун, кешбэк гир ва 500 сомонӣ бурд кун! Имкониятҳои бештар барои корбарони ImonLine
16 часов назад
"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?
5 дня назад
Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд
5 дня назад
Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид
17 дня назад
Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?
20 дня назад