logo Your.tj

Ахбор

Қиссаҳо

Подкастҳо

Афиша

Тиҷорат

Чӣ тавр як зани рус ҳунарҳои тоҷикиро омӯхт ва онҳоро ба занони ҳамдеҳааш ёд медиҳад

Раиса Соловёва қариб 50 сол аст, ки дар Тоҷикистон зиндагӣ мекунад, тӯли ин солҳо забони тоҷикиро омӯхта ва бисёр ҳунарҳоро азхуд кардааст.

Your tj

16:0326.09.2025

Чӣ тавр як зани рус ҳунарҳои тоҷикиро омӯхт ва онҳоро ба занони ҳамдеҳааш ёд медиҳад

Раиса Соловёва зодаи Қазоқистон мебошад, ки волидонаш аз вилояти Екатеринбурги Русия ба онҷо кӯчида буданд.

Қариб 50 сол пеш, замоне ки духтари 19-сола буд, шавҳари ояндааш, ки тоза аз хидмати ҳарбӣ баргашта буд, ӯро ба Тоҷикистон овард.

Хешовандони Раиса ин интихобро ҷонибдорӣ накарданд, аммо худи ӯ дарҳол дарк кард, ки қарори дуруст гирифтааст.

Дар тӯли ним аср, Тоҷикистон ба ватани ӯ табдил ёфт. Раиса забони тоҷикӣ омӯхт ва тамоми анъанаҳо ва ҳунарҳои мардумиро аз худ кард.

Ҳунари дӯзандагӣ ва гулдӯзиро ӯ аз хушдоманаш омӯхта, имрӯз тамоми маҳорати худро ба набераҳояш ва духтарони ҳамсоя меомӯзонад, то ба онҳо дар омода кардани ҷиҳози арӯсӣ кӯмак кунад.

Раиса дар санъати қуроқдӯзӣ усто шудааст, ва имрӯз дастранҷи ӯ ва шогирдонашро қариб дар ҳар хонаи навхонадорон дар ноҳияи Кубодиёни вилояти Хатлон дидан мумкин аст.

Ба гуфтаи Раиса, дар солҳои охир талабот ба гулдӯзӣ ва маҳсулоти ҳунарҳои дастӣ ба таври назаррас афзудааст.

Соли 2022 Раиса Соловёва, дар баробари дигар ҳунармандони маҳаллӣ, аз раиси вилояти Хатлон ба маблағи 10 ҳазор сомонӣ грант дарёфт кард. Ин дастгирӣ ба густариши кораш ва ҷалби бештари шогирдон мусоидат намуд.

 

Маводро мубодила кунед:

Комментарии (0)

Читайте также

Тавассути ImonLine пардохт кун, кешбэк гир ва 500 сомонӣ бурд кун! Имкониятҳои бештар барои корбарони ImonLine

8 часов назад

"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?

5 дня назад

Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд

5 дня назад

Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид

17 дня назад

Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?

20 дня назад

Ахбори Тоҷикистон

Асосӣ