Ахбор
Қиссаҳо
Подкастҳо
Афиша
Тиҷорат
Дата публикации: 15:3510.06.2025
Як зани 27-сола аз ҷониби мақомоти милитсия дар вилояти Суғд бо иттиҳоми қасди фурӯши духтари хурдсолаш боздошт шудааст.
Тавре Раёсати ВКД дар вилояти Суғд дар барномаи “Милитсия хабар медиҳад” иттилоъ дод, зан сокини ҷамоати Овчӣ-Қалъачаи ноҳияи Бобоҷон Ғафуров буда, рӯзи 29 апрел кӯшиши фурӯхтани фарзанди чорсолааш бар ивази 14 ҳазору 800 сомонӣ ва як манзили истиқоматӣ дар шаҳри Хуҷанд кардааст.
Ба гуфтаи мақомот, зан ҳангоми гирифтани маблағи пешакӣ мувофиқашуда дастгир шудааст. Ӯ дар наворе, ки ВКД нашр кард, иқрор мешавад, ки “хато будани корашро намедонист” ва касе ӯро аз ин амал бознадоштааст.
Кӯдак фарзанди дуюм аз оилаи дуюми ин зан будааст. Айни ҳол нисбат ба ӯ бо моддаи 167-и Кодекси ҷиноятӣ (хариду фурӯши ноболиғон) парвандаи ҷиноятӣ оғоз шуда, дар ҳабси пешакӣ қарор дорад. Барои ин ҷиноят ҷазо дар шакли маҳрум сохтан аз озодӣ ба муҳлати аз панҷ то ҳашт сол пешбинӣ шудааст.
Ин ҳодиса нахустин ҳолати кӯдакфурӯшӣ дар вилояти Суғд нест. Қаблан, дар моҳи октябри соли 2024 як зани 26-сола аз ноҳияи Бобоҷон Ғафуров ва дар моҳи сентябри ҳамон сол як сокини ноҳияи Ашт бо иттиҳоми кӯдакфурӯшӣ боздошт шуда буданд.
Читайте также
Тавассути ImonLine пардохт кун, кешбэк гир ва 500 сомонӣ бурд кун! Имкониятҳои бештар барои корбарони ImonLine
16 часов назад
"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?
5 дня назад
Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд
5 дня назад
Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид
17 дня назад
Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?
20 дня назад