logo Your.tj

Ахбор

Қиссаҳо

Подкастҳо

Афиша

Тиҷорат

Бекор кардани ақди никоҳ дар Тоҷикистон гаронтар шуд

Тибқи тағйироти нав, боҷи давлатӣ барои талоқ аз 150 то 1050 сомонӣ арзиш дорад, ки ду маротиб бештар аз арзиши пештара мебошад.

Your tj

12:1402.10.2025

Бекор кардани ақди никоҳ дар Тоҷикистон гаронтар шуд

Дар асоси тағйирот ба қонун «Дар бораи боҷи давлатӣ», ки рӯзи 1-уми октябр аз ҷониби Эмомалӣ Раҳмон, президенти Тоҷикистон ба  имзо расид, арзиши бекор кардани ақди никоҳ ду баробар зиёд мегардад.

Қонун пас аз нашр дар матбуот мавриди амал қарор мегирад.

Тибқи тағйироти нав, боҷи давлатӣ барои талоқ чунин муқаррар шудааст:

  • Бо аризаи якҷониба: 2 нишондиҳанда = 150 сомонӣ (қаблан 75 сомонӣ)

  • Бо аризаи якҷояи ҳамсарон: 10 нишондиҳанда = 750 сомонӣ (қаблан 375 сомонӣ)

  • Бо ҳалномаи суд: 14 нишондиҳанда = 1050 сомонӣ (қаблан 525 сомонӣ)

Ин лоиҳа аввал аз ҷониби ҳукумат тасдиқ ва сипас аз сӯи ду палатаи парлумон қабул шуда буд.

Мақомот мегӯянд, ки ин иқдом бо ҳадафи коҳиш додани сатҳи талоқ дар кишвар анҷом дода мешавад.

Ба иттилои расмӣ, танҳо дар нимсолаи аввали соли 2025 дар Тоҷикистон 4117 оила аз ҳам пошидааст, ки нисбат ба соли гузашта 291 адад камтар аст.

Бо вуҷуди ин, мақомоти давлатӣ сатҳи талоқро ҳанӯз нигаронкунанда меноманд. Ба гуфтаи Бунафша Файзиддинзода, раиси Кумитаи кор бо занон ва оила, издивоҷи бармаҳал ва омода набудани ҷавонон ба зиндагии мустақил аз омилҳои асосии талоқ мебошанд.

Маводро мубодила кунед:

Комментарии (0)

Читайте также

Тавассути ImonLine пардохт кун, кешбэк гир ва 500 сомонӣ бурд кун! Имкониятҳои бештар барои корбарони ImonLine

16 часов назад

"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?

5 дня назад

Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд

5 дня назад

Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид

17 дня назад

Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?

20 дня назад

Ахбори Тоҷикистон

Асосӣ