Ахбор
Қиссаҳо
Подкастҳо
Афиша
Тиҷорат
Дата публикации: 17:3320.01.2025
Ғизои соли барои кӯдаки то шашмоҳа – ин шири модар аст. Баъди шашмоҳагӣ вақте ҳаракатҳои кӯдак зиёд мешавад, ба ӯ нерӯи бештар лозим аст ва аллакай шири модар то 20-30% камқувваттар мешавад. Аз ҳамин сабаб кӯдак аллакай ба ғизои иловагӣ ниёз дорад.
Дар нашри навбатии подкасти “Модари солим – кӯдаки солим” Фарида Аловуддинова, муовини директори МД Маркази ҷумҳуриявии таълимию клиникии тибби оилавӣ гуфт, ки чӣ тавр ба кӯдак бояд ғизои иловагиро дуруст дод.
Ин мутахассис гуфт, ки модарон баъзан то шашмоҳагӣ низ кӯшиш мекунанд ба кӯдак ғизои иловагӣ диҳанд, ки ин нодуруст аст. Зеро меъдаву рӯдаҳои кӯдак дар ин вақт ҳоло бисёр нозук аст ва тавони ҳазми онро надорад.
“Аз синни шашмоҳагӣ ғизои иловагиро зина ба зина таъйин мекунем, пеш аз ҳама ба кӯдак пюреи сабзавотӣ аз сабзавоте, ки дар Тоҷикистон доимо дастрас ҳастанд, ба мисли картошка, сабзӣ, каду ҳамчун ғизои иловагӣ додан мумкин аст”,- гуфт ӯ.
Ба гуфтаи мутахассис набояд ин ғизо аз дастархони умумӣ гирифта шавад, яъне барои ғизои иловагии кӯдак каме вақту меҳнати бештар сарф карда, алоҳида омода кардан лозим аст. Ин корро ақаллан то яксолагии кӯдак кардан зарур аст.
Ҳамчунин, модар ғизои иловагиро дар аввал бояд бо шири худ омехта карда ба кӯдак диҳад, зеро кӯдак бӯи ширро ҳис мекунад ва ҳамин тариқ ба тадриҷ ба тамъу бӯи нав одат мекунад.
“Барои фаҳмидани он ки кӯдак ба кадом навъи маҳсулот аллергия дорад, дар аввал танҳо аз як навъи маҳсулот тайёр кардани ғизои иловагӣ муҳим аст. Баъди хӯронидани ғизо ба кӯдак бештар аҳамият додан лозим, ки ягон тағйирот мешавад ё не”,- қайд намуд Фарида Аловуддиновна.
Ӯ гуфт, ба кӯдак бояд мустақилона гирифтани қошуқ ва хӯрок хӯрданро аз ҳамон рӯзҳои аввали додани ғизои иловагӣ ёд дод.
“Зеро ин ҳам ба саломатии ӯ ва ҳам ба рушди зеҳнии кӯдак муфид аст. Ӯ бо шавқ қошуқро медорад ва як ҳисси навро эҳсос мекунад, чун бори аввал кореро мустақилона иҷро мекунад. Мустақилона хӯрдан низ ба ҳазми он таъсир мерасонад”,- афзуд ҳамсуҳбати мо.
Шумо метавонед шакли аудиоиро дар инҷо гӯш кунед:
Лоиҳаи “Модари солим, кӯдаки солим” дар Тоҷикистон бо кӯмаки Агентии ИМА оид ба рушди байналмилалӣ (USAID) дар ҳамкорӣ бо Вазорати тандурустӣ ва ҳифзи иҷтимоии аҳолӣ татбиқ мегардад.
362 просмотра
Комментарии (0)
Читайте также
"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?
4 дня назад
Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд
5 дня назад
Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид
17 дня назад
Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?
20 дня назад
Октябри гулобӣ чист? Чаро огоҳӣ аз саратони сина муҳим аст?
20 дня назад