Ахбор
Қиссаҳо
Подкастҳо
Афиша
Тиҷорат
Дата публикации: 11:2221.11.2024
Дар натиҷаи як садама рӯзи 15-уми ноябр дар ноҳияи Бобоҷон Ғафуров чанд хонандаи як мактаб захм бардоштаанд.
Бино ба гузориши Радиои Озодӣ ҳодиса дар ҳудуди хоҷагии деҳқонии “Комронбек” дар ҷамоати Ёва рух додааст ва он рӯз мошини “Портер” хонандагони мактаби рақами 48-и деҳаи Боғи Болоро аз пахтачинӣ меовард.
Манбаъ меафзояд, мақомот ба тафтиши ин тасодуф ё садамаи нақлиётӣ оғоз кардаанд.
Ба иттилои як манбаи Озодӣ аз мақомоти корҳои дохилии вилояти Суғд, ки се хонанда – ду духтар ва як писар ҷароҳати сахт бардошта, муолиҷа мегиранд. Онҳо то 15-сола ҳастанд ва ба ин сабаб ному насабашон ифшо карда нашудааст.
Аммо сокинони деҳаи Боғи Боло гуфтаанд, теъдоди наврасони осебдида бештар аст ва аксари онҳоро ба беморхонаи шаҳри Хуҷанд бурдаанд. Ин гуфтаҳоро як пизишки беморхона низ ба шарти фош нашудани номаш тасдиқ карда гуфтааст, он рӯз 13 наврасро бурдаанд ва аксарият баъди муоинаву табобат ба хона ҷавоб дода шудаанд.
Манбаъ аз мақомот гуфтааст, бар зидди ронанда барои риоя накардани қоидаи ҳаракат дар роҳ парванда боз мешавад.
Омӯзгорони мактаби рақами 48-и деҳаи Боғи Боло гуфтаанд, хонандагонро барои ёрӣ ба деҳқонон бурда буданд, то ҳосили пахта дар сармо ҳайф нашавад. Ҳангоми бозгашт садама рух додааст.
Сокинони деҳа дар суҳбат ба Озодӣ гуфтаанд, кӯдаконро чанд вақти охир ба пахтачинӣ мебаранд.
Ин дар ҳолест, ки ба пахтачинӣ фиристодани хонандагони мактаб дар Тоҷикистон чанд сол пеш расман манъ шуда буд.
Читайте также
Тавассути ImonLine пардохт кун, кешбэк гир ва 500 сомонӣ бурд кун! Имкониятҳои бештар барои корбарони ImonLine
8 часов назад
"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?
5 дня назад
Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд
5 дня назад
Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид
17 дня назад
Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?
20 дня назад