logo Your.tj

Ахбор

Қиссаҳо

Подкастҳо

Афиша

Тиҷорат

Арзиши сафари Ҳаҷ дар соли 2025 муайян шуд

Кумита аз шаҳрвандон даъват мекунад, ки танҳо ба тартиби расмӣ барои ҳаҷ номнавис шаванд ва ба ваъдаҳои бардурӯғи миёнаравҳо бовар накунанд.

Your tj

12:4912.03.2025

Арзиши сафари Ҳаҷ дар соли 2025 муайян шуд

Кумитаи дин нархи хизматрасониҳо сафари ҳаҷҷи соли 2025-ро эълон кард. Ба иттилои ин ниҳод, арзиши сафари Ҳаҷ имсол 56 ҳазору 800 сомонӣ муайян шудааст.

Ин маблағ барои билети ҳавопаймо, иқомат, хӯрок, нақлиёт ва дигар хизматрасониҳо пешбинӣ шудааст.

Гуфта мешавад, довталабон маблағро танҳо ба таври ғайринақдӣ тавассути филиалҳои ҶСК "Ориёнбонк" пардохт карда метавонанд. Сафарбарнамоии зоирон дар нимаи дуюми моҳи май оғоз хоҳад шуд.

Кумита шаҳрвандонро ҳушдор додааст, ки ба таблиғоти ширкатҳои сайёҳии кишварҳои ҳамсоя, ки ба қабули ҳоҷиён аз Тоҷикистон даъват мекунанд, бовар накунанд.

“Танҳо ниҳодҳои ваколатдори давлатӣ метавонанд зоиронро ба ҳаҷ сафарбар намоянд”,- омадааст дар хабар.

Дар мавсими ҳаҷҷи соли гузашта баъзе ҳамватанон, ки бо раводидҳои ғайриқонунӣ вориди Арабистони Саудӣ шудаанд, ҳангоми рейдҳо боздошт ва ихроҷ гардидаанд.

Ҳоло Саудӣ барои чунин ҳолатҳо ҷарима дар ҳаҷми 50 ҳазор риёл (тақрибан 13 300 доллари амрикоӣ), ҳабси то 6 моҳ ва маҳдудияти воридшавӣ ба ин кишварро ба муддати 10 сол пешбинӣ кардааст.

Кумита аз шаҳрвандон даъват мекунад, ки танҳо ба тартиби расмӣ барои ҳаҷ номнавис шаванд ва ба ваъдаҳои бардурӯғи миёнаравҳо бовар накунанд.

Маводро мубодила кунед:

Комментарии (0)

Читайте также

Тавассути ImonLine пардохт кун, кешбэк гир ва 500 сомонӣ бурд кун! Имкониятҳои бештар барои корбарони ImonLine

8 часов назад

"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?

5 дня назад

Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд

5 дня назад

Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид

17 дня назад

Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?

20 дня назад

Ахбори Тоҷикистон

Асосӣ