logo Your.tj

Ахбор

Қиссаҳо

Подкастҳо

Афиша

Тиҷорат

Ҳалокати Некрӯз Ниёзов, сарояндаи тоҷик дар як садама

Некрӯзи 27-соларо ронандаи 18-солаи “Lexus” дар канори роҳ пахш кардааст

Your tj

13:0822.09.2023

Ҳалокати Некрӯз Ниёзов, сарояндаи тоҷик дар як садама

Некрӯз Ниёзов, сарояндаи ҷавони тоҷик, ки бештар бо бозхонии сурудҳои шодравон Муборакшо шӯҳрат дошт, дар натиҷаи як садама даргузашт.

Раёсати ВКД дар шаҳри Душанбе иттилоъ дод, ки 21 сентябр, тахминан соати 22:30 дақиқа ронандаи 18-сола автомашинаи тамғаи “Lexus RX350”, Файзулло Комёб Машраб, ҳангоми ҳаракат бо роҳи мошингарди кӯчаи А.Дониш, аз самти кӯчаи С.Айнӣ ба самти кӯчаи Д.Халқҳо, дар рӯ ба рӯи бинои “Маркази миллии ташхиси озуқаворӣ” ба автомашинаи тамғаи “Lexus RX350”, таҳти идораи Аҳтамзода Оятулло ронандаи 19-сола бархӯрда, ҳамзамон пиёдагарди дар канори роҳ қарор дошта, Некрӯз Ниёзовро пахш кардааст.

Гуфта мешавад, дар натиҷаи ин садамаи нақлиётӣ  сарояндаи ҷавон Некрӯз Ниёзов ҷароҳатҳои гуногуни ҷисмонӣ бардошта, ба беморхонаи “Шифобахш” интиқол шудааст.

Мутаассифона субҳи 22-юми сентябр номбурда ба ҳалокат мерасад.

Айни замон вобаста ба ҳолати мазкур маводҳои зарурӣ тартиб дода шуда, мавриди тафтишоти пешакӣ қарор дорад, менависад манбаъ.

Некрӯз ҳамагӣ 27 сол дошт ва моҳи октябр 28-солагияшро бояд таҷлил мекард.

Наздиконаш гуфтаанд, овозхон дар зодгоҳаш Вилояти Мухтори Кӯҳистони Бадахшон ба хок супурда мешавад.

Расонаҳо қаблан навишта буданд, ки ронанда баъди ин ҳодиса фирор кардааст ва Некрӯзро ронандаи як такси ба беморхона интиқол додааст.

Қаблан низ чандин ҳолати марги ситораҳои эстрадаи тоҷик дар садамаҳо ба қайд гирифта шудаанд.

Даргузашти сарояндагони машҳури эстрадаи тоҷик Дамирбек Олимов ва Баҳроми Ғафурӣ аз ҷумлаи охирин ҳолатҳои садамаи нақлиётӣ бо иштироки ситорагони санъати тоҷик буд.

Маводро мубодила кунед:

Комментарии (0)

Читайте также

Тавассути ImonLine пардохт кун, кешбэк гир ва 500 сомонӣ бурд кун! Имкониятҳои бештар барои корбарони ImonLine

16 часов назад

"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?

5 дня назад

Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд

5 дня назад

Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид

17 дня назад

Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?

20 дня назад

Ахбори Тоҷикистон

Асосӣ