Ахбор
Қиссаҳо
Подкастҳо
Афиша
Тиҷорат
Дата публикации: 12:1212.06.2025
Рӯзи 11 июн дар қароргоҳи ЮНЕСКО дар шаҳри Парижи Фаронса дар ҳошияи Конфронси байналмилалии илмӣ таҳти унвони “700 сол бо Ҳофиз” намоиши ҷашнӣ ва барномаи фарҳангӣ таҳти унвони “Шоми шашмақом” баргузор гардид.
Гуфта мешавад, ҳадаф аз он арҷгузорӣ ба шахсияти шоир ва муаррифии мероси адабии ӯ дар сатҳи ҷаҳонӣ мебошад.

Дар ифтитоҳи расмии намоиш Матлубахон Сатториён вазири фарҳанги Тоҷикистон ва Лидия Брито, муовини Дабири кулли ЮНЕСКО суханронӣ намуда, аз ҷойгоҳи баланди Ҳофиз дар рушди адабиёти ҷаҳонии форсу тоҷик ва арзишҳои башардӯстонаи ашъори ӯ ёдовар шуданд.
Дар намоишгоҳ нусхаҳои хаттии “Девон”-и Ҳофиз аз фонди Осорхонаи миллии Тоҷикистон ва Маркази мероси хаттии АМИТ, инчунин намунаҳои ҳунари хушнависӣ ва миниётураҳои илҳомгирифта аз ғазалиёти шоир, ки аз ҷониби рассоми тоҷик Олимҷон Камолзода офарида шудаанд, ба маърази тамошо гузошта шуданд.

Инчунин, дар қатори осори хаттӣ, намунаҳои ҳунарҳои мардумии тоҷикӣ, аз қабили сӯзанӣ, атласу адрас, кандакорӣ, мисгарӣ ва кундал низ пешниҳод гардиданд, ки рӯҳи фарҳанги миллиро муаррифӣ мекунанд.
Ҷашнвораи байналмилалии “700 сол бо Ҳофиз”, ки дирӯз дар Фаронса оғоз шуд, то 14-уми июн давом мекунад.
Читайте также
"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?
4 дня назад
Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд
5 дня назад
Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид
17 дня назад
Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?
20 дня назад
Октябри гулобӣ чист? Чаро огоҳӣ аз саратони сина муҳим аст?
20 дня назад