Ахбор
Қиссаҳо
Подкастҳо
Афиша
Тиҷорат
Дата публикации: 11:3818.08.2023
Гурӯҳе аз зиндониёни тоҷик, ки дар маҳбаси рақами 4-и шаҳри Медини вилояти Калуга қарор доранд, хабар додаанд, ки онҳоро маҷбур кардаанд, то бо Вазорати дифои Русия ба созишнома дар бораи фиристодан ба ҷанги Украина имзо кунанд. Ба иддао онҳо 150 зиндонии тоҷик метавонанд ба ҷанг фиристода шаванд, хабар медиҳад Радиои Озодӣ.
Ба гуфтаи яке аз маҳбусон, ин дафъа на фармондеҳони ширкати хусусии низомии “Вагнер”, балки намояндагони Вазорати дифои Русия ба зиндон омадаанд. Ба гуфтаи ӯ “вохӯрӣ” рӯзи 11-уми август ташкил шудааст.
Маҳкумшудагонро маҷбур мекунанд, ки барои ба ҷанг рафтан бо Вазорати дифои Русия шартнома банданд.
Маҳбусони тоҷик эҳтимоли ҳафтаҳои наздик ба ҷанги зидди Украина фиристода шуданашонро таъкид карда, аз мақомоти Тоҷикистон ҳимоят мехоҳанд.
Сафорати Тоҷикистон дар Русия рӯзи 17-уми август гуфт, аз як маҳбуси зиндони Калуга дар бораи маҷбур кардани маҳкумшудагон ба бастани қарордод бо Вазорати дифои Русия мактуб гирифтаанд.
“Кормандони мо ин маълумотро тафтиш мекунанд”,- афзуд сафорат.
Ҷалби маҳкумшудагон барои ширкат дар ҷанги Украина беш аз як сол пеш оғоз шуда буд. Муассиси “Вагнер” Евгений Пригожин пас аз он шахсан ба як қатор зиндонҳои Русия рафт, то маҳбусонро ба сафи сарбозони зархариди худ барои иштирок дар ҷанг бо Украина ҷалб кунад.
Гуфта мешавад, ки тасмим дар бораи ҷалби зиндониён пас аз талафоти ҷиддии артиши Русия дар набардҳо бо нерӯҳои мусаллаҳи Украина гирифта шудааст.
Рамазон Раҳимзода, вазири корҳои дохилии Тоҷикистон рӯзи 11-уми август гуфт, Русия тақрибан 100 зиндонии тоҷикро барои ҷанг дар Украина фиристодааст, аммо шумораи умумии тоҷикистониёни дар ҷанг иштирокдоштаро ифшо накард.
386 просмотра
Комментарии (0)
Читайте также
Тавассути ImonLine пардохт кун, кешбэк гир ва 500 сомонӣ бурд кун! Имкониятҳои бештар барои корбарони ImonLine
16 часов назад
"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?
5 дня назад
Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд
5 дня назад
Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид
17 дня назад
Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?
20 дня назад