"ҲХДТ ғолиб". Дар интихобот 85,3 дарсад аҳолии қобили раъй ширкат кардаанд

Тибқи эълони натиҷаҳои пешакии интихоботи парлумонии Тоҷикистон, ки дирӯз, 2-юми март баргузор шуд, 85,3 дарсад аҳолии қобили раъй, ки шумораи онҳо беш аз 5,5 миллион нафар гуфта мешавад, дар интихобот иштирок карда, овоз додаанд.

Натиҷаҳои пешакии интихоботи парлумонии кишварро Бахтиёр Худоёрзода, раиси Комиссияи марказии интихобот ва раъйпурсии Тоҷикистон имрӯз, 2-юми март дар ҳузури ҳизбҳои сиёсӣ, даъвогарони курсиҳои порлумонӣ, нозирони байналмилалӣ ва рӯзноманигорон эълон кард, хабар медиҳад “Азия-Плюс”.

Ҳизби халқии демократии Тоҷикистон бо ба даст овардани 51,9 дарсади раъй ғолиби интихобот дониста шуд.

Аз рӯйхати ҳизбӣ:

• Ҳизби халқии демократии Тоҷикистон - 12 курсӣ;
• Ҳизби аграрии Тоҷикистон – 5 курсӣ;
• Ҳизби ислоҳоти иқтисодии Тоҷикистон – 3 курсӣ;
• Ҳизби сотсиалистии Тоҷикистон – 1 курсӣ;
• Ҳизби демократии Тоҷикистон – 1 курсиро соҳиб шуданд.
• Ҳизби коммунистии Тоҷикистон ба порлумон роҳ наёфт.

Ёдовар мешавем, ки 2-юми март дар Тоҷикистон интихоботи порлумонӣ баргузор гардид ва дар шаш соати аввали интихобот КМИР онро “баргузоршуда” эълон карда буд.