Euronews: Ҳавопаймои Озарбойҷон, ки дар наздикии Оқтау суқут кард, бо мушаки Русия сарнагун шудааст

Тибқи маълумоти пешакӣ ҳавопаймои ширкати “Azerbaijan Airlines” бо мушаки Русия дар Грозний мавриди ҳадаф қарор гирифтааст, ки боиси суқути он дар Оқтау шудааст, хабар медиҳад Euronews.

Аз ҳукумати Озарбойҷон ин маълумотро ба Euronews тасдиқ кардаанд.

Ба гуфтаи манобеи ҳукуматӣ, мушак ҳангоми парвози ҳавопаймои бесарнишин дар болои Грозний партоб шуда, пораҳои он ба мусофирон ва аъзои экипаж бархӯрдааст.

Ин маъбаъҳо афзудаанд, ки ба ҳавопаймои харобшуда сарфи назар аз дархости халабонҳо барои фуруди изтирорӣ ба фурудгоҳҳои Русия иҷоза надодаанд ва тибқи дастур ҳавопаймо ба самти Оқтауи Қазоқистон парвоз кард.

Ҳавопаймои ширкати Озарбойҷон (AZAL), ки аз Боку ба Грозний парвоз мекард, рӯзи 25-уми декабр дар ғарби Қазоқистон суқут кард. Дар ҳавопаймо 67 нафар қарор доштанд, ки 38 нафари онҳо ба ҳалокат расиданд.