Фарзона Эмомалӣ сардори Раёсати ислоҳот, кӯмаки аввалияи тиббию санитарӣ ва робитаҳои байналмилалии Вазорати тандурустӣ таъин шудааст.
Дар ин бора вазорати мазкур дар саҳифаи худ дар фейсбук хабар дод.
Фарзона Эмомалии 27-сола духтари хурдии Эмомалӣ Раҳмон, президенти кишвар аст.
Тибқи иттилои вазорат ӯ аз соли 2021 дар ин раёсат ба ҳайси мутахассис кор мекард.
Фарзона Эмомалӣ соли 1998 таваллуд шуда, соли 2020 Донишгоҳи давлатии тиббии Тоҷикистон, соли 2022 ординатураи клиникии донишгоҳи мазкур ва соли 2023 Академияи идоракунии давлатии назди Президенти Ҷумҳурии Тоҷикистонро бо ихтисоси идоракунии давлатӣ хатм кардааст.
Дар тавсифномае, ки Вазорати Тандурустӣ нашр кардааст, гуфта мешавад, Фарзона Эмомалӣ муҷаррад ва соҳиби як кӯдак буда, инчунин узви Ҳизби Халқии Демократии Тоҷикистон мебошад.
