Ду ронанда дар Душанбе барои роҳ надодан ба Ёрии таъҷилӣ боздошт шуданд

Дар Душанбе ду ронандаи автомобилҳои гаронбаҳо барои дидаву дониста роҳ надодан ба мошини Ёрии таъҷилӣ дастгир карда шудаанд. Дар ин бора Раёсати ВКД дар пойтахт хабар дод.

Манбаъ менависад, дар асоси навори дар шабакаҳои иҷтимоӣ нашр гардида ронандаи “Range Rover”, Файзалӣ А. ва ронандаи “Toyota”, Беҳрӯз Т. боздошт карда шуданд.

 

Посмотреть эту публикацию в Instagram

 

Публикация от YOUR TJ (@your_tj)

“Номбурдагон зимни ҳаракат дар кӯчаи Соҳилӣ ду қатори роҳро банд намуда, дидаву дониста ба нақлиёти Ёрии таъҷилӣ роҳ надоданд”,- шарҳ медиҳад Раёсати ВКД дар шаҳри Душанбе.

Гуфта мешавад, автомобилҳои нафарони зикршуда ба ҷаримагоҳи муваққатӣ дастрас карда шуда, нисбати ронандагон бо моддаи 318 Кодекси ҳуқуқвайронкунии маъмурӣ протоколҳои маъмурӣ тартиб дода шуданд.

Раёсати ВКД дар шаҳри Душанбе аз дигар ронандагон низ талаб мекунад, ки зимни ҳаракат ба воситаҳои наклиёти бартариятдошта, махсусан ёрии таъҷилӣ ва сӯхторхомушкунӣ монеа эҷод накунанд.