Ду марди яке 50 ва дуюми 53-сола дар як канали шаҳри Душанбе ғарқ шуда, ба ҳалокат расидаанд.
Тибқи иттилои Кумитаи ҳолатҳои фавқулодда ҳодиса 3-уми июн, соати 01:44 рух дода, ду нафар ҳангоми нӯшидани об аз беэҳтиётӣ дар канали “Дереватсионии ноҳияи Варзоб”, воқеъ дар паҳлуи “Кӯли Душанбе” ғарқ шудаанд.
Ҷасади яке аз онҳо соати 02:50 , ва ҷасади ғарқшудаи дуюм соати 06:05 пайдо ва аз канал берун оварда шуда, ба кормандони мақомоти ҳифзи ҳуқуқ супурда шудааст.
Тибқи иттилои КҲФ ғарқшудагон яке сокини кӯчаи Навоӣ ва дуюмӣ сокини ноҳияи Шоҳмансури шаҳри Душанбе буданд.
