fbpx

Дигар бас аст: Билети хатсайрҳои чартерӣ аз Русия ба Тоҷикистон ба фурӯши озод мебароянд


0
Акс: Маркази матбуотии "Сомон Эйр"

Билети хатсайрҳои чартерӣ аз Русия ба Тоҷикистон ба фурӯши озод мебароянд, хабар дод ба Your.tj манбаи боэътимод аз ҳукумати кишвар.

“Дигар шаҳрвандони моро лозим намеояд, ки ба сафорати Тоҷикистон дар Русия барои бозгашт ба ватан ва номнавис кардани худ ба парвозҳои чартерӣ муроҷиат намоянд. Шаҳрвандони кишвар рӯзҳои наздик метавонанд билетҳои чартериро аз авикассаҳо дастрас намоянд”,- афзуд манбаъ.

Ба гуфтаи манбаъ тасмим замоне гирифта шуд, ки хоҳишмандони бозгашт ба Ватан рӯз аз рӯз кам шуда истодааст.

Инчунин манбаъ гуфт, ки барқарор кардани парвозҳои мунтазам байни Тоҷикистон ва Русия мавриди баррасии доимӣ қарор дорад.

Ба гуфтаи манбаъ ҳамватаноне, ки ба Ватан бармегарданд бояд бо худ ҳатман маълумотномаи гирифтор набудан ба COVID-19-ро дошта бошанд, ки на бештар аз 96 соат (4 шабонарӯз)-и расидан ба Тоҷикистон гирифта шуда бошад.  Кӯдакони то сесола аз доштани ин гуна маълумотнома озоданд.

Ҳамчунин хабари мазкурро дасти кам ду манбаи дигар тасдиқ карданд.

Қобили зикр аст, ки Тоҷикистон барои овардани шаҳрвандони худ аз 7-уми ноябр то 30-юми ин моҳ аз шаҳрҳои гуногуни Русия ба Тоҷикистон 112 парвози чартерӣ анҷом дода мешавад. Ҳама парвозҳоро ширкати хусусии “Сомон Эйр” анҷом медиҳад.

Ёдовар мешавем, ки парвозҳои мунтазам байни Тоҷикистону Русия бар асари коронавирус аз 20 март инҷониб қатъ шудааст.  Мувофиқи маълумоти мақомоти Тоҷикистон, дар давраи аз моҳи апрел то октябр ҳудуди 70 ҳазор нафар шаҳрвандони ҷумҳурӣ тариқи хатсайрҳои чартерӣ ба ватан баргардонида шуданд.


Маъқул шуд? Ба рафиқонат фирист

0

What's Your Reaction?

Зачет;Беҳтарин Зачет;Беҳтарин
2
Беҳтарин
Бесит; Асабӣ шудам Бесит; Асабӣ шудам
0
Асабӣ шудам
Сочувствую;ҳамдардам Сочувствую;ҳамдардам
0
ҳамдардам
Супер;Зур Супер;Зур
0
Зур
Окей!;Окей! Окей!;Окей!
0
Окей!
Как так-то?; Ин чӣ хел шуд? Как так-то?; Ин чӣ хел шуд?
0
Ин чӣ хел шуд?

Send this to a friend