Дар Ванҷ се нафар зери тарма монда, яке аз онҳо фавтидааст

Се сокини деҳаи Пишихарви ноҳияи Ванҷ зери тарма монда, яке аз онҳо ҷони худро аз даст додааст. Бино ба гузориши Раёсати Кумитаи ҳолатҳои фавқулодда дар ВМКБ ҳодиса рӯзи 20-уми ноябр рух додааст.

Гуфта мешавад, ин се нафар “бо вуҷуди эълонҳо ва ҳушдорҳо аз паёмадҳои боришоти рӯзҳои ахир бо мақсади ҷамъоварии ҳезум ба кӯҳ рафта буданд”.

Ду нафари онҳо 44 сол дошта, як нафарашон 55-сола буд.

Манбаъ менависад, яке аз онҳо Диловар Умаров, ки низ бо ҳамроҳонаш зери тарма монда буд, тавонист худро наҷот дода, фавран ҳамдеҳагонро аз ҳодиса огоҳ созад.

Сокинони деҳа нафари дуюм – Алишер Ҷумъаевро, ки ҷароҳати сахт бардошта буд (пояш шикаста) аз зери ғарами барф берун оварда, ба бемористони марказии ноҳия интиқол додаанд.

Гуфта мешавад, ҳоло ҷустуҷӯи шахси сеюми зери тармамонда идома дорад.