Дар Тоҷикистон аз 1 то 31 октябр маъракаи эмгузаронӣ бар зидди ВПО (вируси папилломаи одам) баргузор мешавад. Дар марҳалаи аввал эмгузаронӣ миёни духтарони 10-сола гузаронида мешавад.
Баъдан, пас аз ворид гардидани пурраи ваксинаи зидди ВПО ба тақвими миллии эмгузаронӣ, духтарони синни аз 11 то 14-сола низ фаро гирифта хоҳанд шуд.
Вазорати тандурустӣ нақша дорад ваксинаи зидди ВПО-ро дар давоми соли ҷорӣ ва соли оянда ба тақвими миллӣ ворид намояд.
Муттахассисон шарҳ медиҳанд, ки маҳз дар ҳамин синну сол ваксина самараноктар буда, посухи қавии масуниятиро шакл медиҳад.
Маърака бо қарори Ҳукумати Ҷумҳурии Тоҷикистон аз 24 июли соли 2025 тасдиқ шудааст. Вазорати тандурустӣ таъкид мекунад, ки барои омодагӣ ба эмгузаронӣ чорабиниҳои омӯзишӣ барои табибон ва кормандони соҳаи маориф, инчунин корҳои фаҳмондадиҳӣ миёни аҳолӣ гузаронида мешаванд.
