Аз 1 июл, тибқи Қарори Ҳукумати Тоҷикистон аз 10 июни соли 2025, №346, барои воридоти телефонҳои мобилӣ 20% боҷи гумрукӣ ситонида мешаванд.
Дар ин бора Хадамоти гумрук хабар дод.
Ҳамчунин, барои воридоти телефонҳои мобилӣ, аз ҷониби Хадамоти гумрук пардохтҳои зерин ситонида мешаванд:
• 14% ААИ аз арзиши гумрукии телефонҳои мобилӣ;
• 10 доллар – хироҷи гумрукӣ. Телефонҳое, ки арзиши онҳо то 100 доллари ИМА аст, аз пардохти хироҷи гумрукӣ озод карда мешаванд.
Ба иттилои манбаъ, аз воридоти телефонҳои мобилӣ барои истифодаи шахсӣ низ пардохтҳои гумрукии дар боло зикршуда рӯёнида мешаванд.
