Дар пайи қатъи барқ: дар баъзе кӯчаҳои пойтахт ду рӯз чароғакҳои роҳнамо кор намекунанд

Раёсати ВКД дар шаҳри Душанбе ронандагонро огоҳ мекунад, ки дар чанде аз кӯчаҳои пойтахт рӯзҳои 8 ва 9-уми март чароғакҳои роҳнамо кор намекунанд.

Сабаби инро Раёсат ба корҳои таъмир ва бозсозии хати интиқоли барқ рабт додааст.

Ҳамин тариқ, ба иттилои манбаъ, 8 ва 9-уми март дар хиёбони Рӯдакӣ, кӯчаҳои И.Сомонӣ, Л.Шералӣ, М.Турсунзода, Ф.Ниёзӣ, Некрасов, Бохтар, Ойгул, М.Холов ва Пушкин чароғакҳои роҳнамо кор намекунанд.

Ин ниҳод аз ронандагон хоҳиш кардааст, ки қоидаҳои ҳаракат дар роҳро қатъиян риоя намуда, ба тамбашавии воситаҳои нақлиёт роҳ надиҳанд.

Ёдовар мешавем, ки “Шабакаҳои тақсимоти барқ” дар шаҳри Душанбе аз қатъи дар рӯзҳои 8 ва 9-уми март, аз соати 08:00 то 17:00 дар як қисми кӯчаҳои ноҳияи И.Сомонӣ бо сабаби корҳои таъмирӣ ва профилактикӣ хабар дода буд.