Дар Ёвон кӯдаки 7-сола дар канал ғарқ шудааст

Як кӯдаки 7-солаи сокини деҳаи Пахтакори ноҳияи Ёвон дар канали Магистралӣ афтода ғарқ шудааст. Ба иттилои КҲФ ҳодиса нисфирӯзии 24 октябр рух додааст.

Ҷасади ин ноболиғро наҷотдиҳандагони Раёсати КҲФ дар вилояти Хатлон рӯзи 26-уми октябр пайдо ва ба мақомоти дахлдор супурдаанд.

Кумита сабаби ин ҳодисаро ба беназоратии волидайн рабт дода, аз падарону модарон бо эҳтиром хоҳиш кардааст, фарзандони худро беназорат нагузоранд.