Шаби 20-уми декабр дар ноҳияи Ишкошим муноқишаи хонаводагӣ бо ҳалокати марди 69-сола поён ёфт. Ба иттилои ВКД, ҳодиса тақрибан соати 22:00 дар манзили истиқоматии ин хонавода рух додааст.
Гуфта мешавад, марди 40-сола дар ҳолати мастӣ бо падараш ҷангу ҷанҷол кардааст. Дар ҷараёни муноқиша падар бо белча ду маротиба ба дасти писараш зарба задааст. Пас аз ин, писар бо истифода аз чангак (асбоби кофтани оташдон) ба гардан, гулӯ ва қафаси синаи падараш зарба задааст.
Дар натиҷа, марди солхӯрда ба болои оташдон афтода, ҷароҳатҳои гуногуни ҷисмонӣ бардоштааст ва тахминан соати 04:00 ба ҳалокат расидааст.
Гумонбар айни ҳол дар ҳабси пешакӣ қарор дошта, нисбати ӯ бо моддаи 104 Кодекси ҷиноятӣ (одамкушӣ) мавод тартиб дода шуда, тафтишот идома дорад.
