Дар Хатлон модар кӯдаки 5-моҳаашро барои “ҷазо додани шавҳар” латукӯб кардааст

Ҷавонзани 21- солаи сокини ноҳияи Темурмалик пас аз нашри навори латукӯби кӯдакаш дар шабакаҳои иҷтимоӣ ба мақомоти милитсия дастрас карда шуд, хабар медиҳад Раёсати ВКД дар вилояти Хатлон.

Муайян шудааст, ки Бойсарова Шукрона дар пайи муноқишаи хонаводагӣ ва ҷанҷоли лафзӣ бо шавҳараш, кӯдаки 5-моҳаашро мавриди сарзаниш ва латукӯб қарор додааст.

Гуфта мешавад, ки ин зани ҷавон кирдори худро ба навор гирифта, видеоро ҳамчун "чораи ҷазо" ба шавҳараш ирсол кардааст.

Мақомоти милитсия нисбат ба қазия маводи санҷишӣ тартиб дода, изҳор доштанд, ки қарорҳои қонунӣ қабул карда мешаванд.

Ҳамзамон, бо модар суҳбатҳои профилактикӣ гузаронида шуда, ба ӯ ҳушдор додаанд, ки минбаъд аз кирдорҳои зиддиҳуқуқӣ худдорӣ намояд ва ҳуқуқи кӯдакро риоя кунад.