Як ҷавони 27-сола дар вилояти Хатлон зери хок монда, фавтидааст. Дар ин бора Кумитаи ҳолатҳои фавқулодда хабар дод.
Ҳодиса 18 март дар ҳудуди деҳаи Сафари ноҳияи Ҳамадонӣ рух додааст. Ҳангоми кандани чоҳи об дар чуқурии 5 метр хок ба болои ҷавон фурӯ рафта, ӯ зери хок мондааст.
Наҷотдиҳандагони шуъбаи КҲФ дар минтақаи Кӯлоб ҷасади ӯро берун оварда, ба мақомот супурдаанд.
КҲФ ба наздикону пайвандони марҳум ҳамдардӣ изҳор намуда, аз шаҳрвандон даъват мекунад, ки қоидаҳои бехатариро ҳангоми кор қатъиян риоя намоянд.
