Дар Душанбе Барномаи омӯзишии омори кишоварзӣ доир шуд

Дар шаҳри Душанбе дар ҳамкориҳои Сарраёсати Агентии Туркия оид ба ҳамкорӣ ва ҳамоҳангсозӣ (ТИКА), Институти омори Туркия (ТУИК) ва Агентии омори назди президенти Ҷумҳурии Тоҷикистон Барномаи омӯзишии омори кишоварзӣ баргузор гардид.

Дар доираи барномаи мазкур барои кормандони Агентии омори омӯзиш дар мавзуъҳои барӯйхатгирии кишоварзӣ, истеҳсоли растанӣ, чорводорӣ, ҷангалпарварӣ, нишондиҳандаҳои иқтисодии бахши кишоварзӣ ва омори нархҳои маҳсулоти кишоварзӣ гузаронида шуд.

Барномаи серӯза, барои рушди ҳамкориҳо дар самти омори кишоварзии Туркияву Тоҷикистон ва афзоиши иқтидори оморӣ равона шуда буд.

[gallery columns="2" size="full" link="file" ids="46143,46145"]

 

Дар маросими супоридани шаҳодатнома, ки дар охири барномаи омӯзишӣ баргузор гардид, консули сафорати Туркия дар Тоҷикистон Ҳалит Ислам Тари, муовини аввали директори Агентии омори назди президенти Ҷумҳурии Тоҷикистон Асо Нурулло ва ҳамоҳангсози ТИКА дар Тоҷикистон Ибраҳим Этҳем Унал иштирок карданд.

Консули сафорати Туркия дар Тоҷикистон Ҳалит Ислам Тари ва ҳамоҳангсози ТИКА дар Тоҷикистон Ибраҳим Этҳем Унал дар маросим, ба ҳамкориҳои қавии Туркия ва Тоҷикистон таъкид намуда, изҳор доштанд, ки ин барнома саҳми назаррасе дар рушди муносибатҳои ду кишвар дар соҳаи омор гузоштааст.

[gallery link="file" columns="2" size="full" ids="46141,46139"]

Муовини аввали директори Агентии омори назди президенти Ҷумҳурии Тоҷикистон Асо Нурулло, аз ҳамкории рушдёбанда бо Туркия изҳори қаноатмандӣ карда, гуфт, ки чунин омӯзишҳо дар инфрасохтори омории Тоҷикистон саҳми арзишманд мегузоранд.

Интизор меравад, ки ҳамкориҳои Туркияву Тоҷикистон дар бахши омор дар давраи оянда густариш хоҳанд ёфт.