Даҳҳо шаҳрванди Тоҷикистону Узбекистонро аз Қазоқистон хориҷ карданд

Мақомоти интизомии Алмаато 30 шаҳрванди Тоҷикистон ва Узбекистонро ба ватанашон гусел кард, хабар медиҳад Orda.kz.

Тавре аз хадамоти муҳоҷирати Қазоқистон хабар медиҳанд, дар ҷараёни баргузории чорабиниҳои оперативӣ-профилактикии "Участок" муҳоҷирони ғайриқонунӣ ошкор карда шуданд.

"Дар давоми 18 рӯз ҳамагӣ 2380 қонуншикан ошкор карда шуд, ки 813-тои он аз ҷониби шаҳрвандони хориҷӣ мебошад.

Онҳо тибқи моддаи 517-и Кодекси ҳуқуқвайронкунии маъмурии Ҷумҳурии Қазоқистон ба ҷавобгарии маъмурӣ кашида шуданд. 387 нафар шаҳрвандони хориҷӣ, ки ҳуҷҷати тасдиқкунандаи шахсият надоранд, дар қабулгоҳи милитсия ҷойгир карда шуданд.

Ҳамзамон нисбати 349 нафар шаҳрвандоне, ки қонунии будубоши шаҳрвандони хориҷиро дар Қазоқистон риоя накардаанд, чораҳои маъмурӣ андешида шуданд", - гуфт Асхат Бутунчинов, раиси Хадамоти муҳоҷирати Алмаато.

Илова бар ин, 30 нафар қонуншиканон аз ҷониби кормандони милитсия то сарҳади давлатӣ интиқол дода шудаанд.

Барои ин автобуси дорои ҷойи нишасти бисёр ҷудо карда шудааст. Хориҷиёнро дар гузаргоҳи “Жибек Жоли” то сарҳади давлатӣ гусел кардаанд.