Дар Душанбе Олимҷон Холиқов, як сокини 57-солаи пойтахт бо гумони дастдарозӣ ба кӯдаки 5-сола дастгир шудааст.
Дар ин бора Раёсати ВКД дар Душанбе хабар дод.
Ба иттилои мақомоти милитсия, ҳодиса рӯзи 4 октябр дар кӯчаи Муҳаммадҷон Қосимов рух додааст.
Холиқов дар ҳолати мастӣ “нисбати кӯдаке, ки ба бозӣ машғул буд, ҳаракатҳои бадахлоқона анҷом додааст.”
Гуфта мешавад, гумонбар ҳоло дар ҳабси пешакӣ қарор дорад ва нисбаташ бо моддаи 142, қисми 2 Кодекси ҷиноятии Тоҷикистон (“ҳаракати бадахлоқона нисбат ба шахси ба синни 14 нарасида”) парванда боз шудааст. Ин модда ҷазои аз 2 то 5 соли зиндонро пешбинӣ мекунад.
Назари худи боздоштшуда ё пайвандони ӯ дар ин бора маълум нест.
