fbpx

Боздошти марде дар Душанбе бо гумони куштори ҳамсараш

Гумонбаршаванда дар навор тасдиқ мекунад, ки баъди истифодаи маводи нашъаовари метаамфитамин ҳамсарашро латукӯб кардааст.


2
2 points
Акс: Намогирифт аз навори Раёсати ВКД дар шаҳри Душанбе

Сокини 35-солаи шаҳри Душанбе, Туманов Алишер бо гумони куштори ҳамсари 29-солааш дастгир шудааст. Дар ин бора Раёсати ВКД дар пойтахт дар як гузориши видеоӣ хабар дод.

Гуфта мешавад, Туманов Алишер рӯзи 8-уми март “дар заминаи рашку бадбинӣ” ҳамсараш Абдуллоеваро дар манзили истиқоматиашон “мавриди латкӯби шадид” қарор додааст.

Ҷабрдида бо ҷароҳатҳои вазнини ҷисмонӣ дар беморхона бистарӣ карда шуда, рӯзи 11-уми март фавтидааст.

Гумонбаршаванда дар навор тасдиқ мекунад, ки баъди истифодаи маводи нашъаовари метаамфитамин ҳамсарашро задааст.

Аммо маълум нест ин навор дар чӣ шароите сабт шудааст.

Тибқи иттилои манбаъ, нисбати дастгиршуда бо моддаи 110-и (қасдан расонидани зарари вазнин ба саломатӣ) Кодекси ҷиноятӣ парвандаи ҷиноятӣ оғоз карда шуда, ӯ дар ҳабси пешакӣ қарор дорад.

Ин банди қонун ҷазо дар намуди аз 5 то 15 сол зиндонро муайян мекунад.

Ёдовар мешавем, ки дар моҳи март дар Тоҷикистон ду ҳодисаи куштори ҳамсар аз ҷониби шавҳар расонаӣ шуда буд.

Вазорати корҳои дохилӣ рӯзи 3 март аз дастгир шудани як сокини 41-солаи ноҳияи Рӯдакӣ бо гумони куштори ҳамсари собиқи 32-солааш хабар дода буд.

Гуфта мешавад, ӯ занро 3 феврал дар шаҳри Санкт-Петербурги Русия куштааст.

Инчунин, марди 58-солаи сокини шаҳри Истаравшан бо гумони куштори ҳамсари 52-солааш дастгир шуд. Тибқи иттилои ВКД, ин мард дар ҳолати мастӣ шоми 2-юми март, дар манзили истиқоматиаш бо ҳамсараш муноқиша намуда, бо бели хоҷагӣ ба узвҳои бадани ӯ якчанд маротиба зарба задааст.

Дар натиҷа, ҷабрдида ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст.


Маъқул шуд? Ба рафиқонат фирист

2
2 points

What's Your Reaction?

Зачет;Беҳтарин Зачет;Беҳтарин
0
Беҳтарин
Бесит; Асабӣ шудам Бесит; Асабӣ шудам
1
Асабӣ шудам
Сочувствую;ҳамдардам Сочувствую;ҳамдардам
1
ҳамдардам
Супер;Зур Супер;Зур
0
Зур
Окей!;Окей! Окей!;Окей!
0
Окей!
Как так-то?; Ин чӣ хел шуд? Как так-то?; Ин чӣ хел шуд?
0
Ин чӣ хел шуд?

Send this to a friend