Як шаҳрванди Тоҷикистон, ки 11 сол сол боз бо иттиҳоми қочоқи ғайриқонунии миқдори махсусан калони маводи мухаддир дар ҷустуҷӯ қарор дошт, дар Москва боздошт гардидааст. Дар ин бора маркази матбуоти ВКД Русия имрӯз, 18-уми август хабар дод.
Комрон Сафаралиев 12 сол инҷониб мавриди ҷустуҷӯ қарор дошт.
Дар натиҷаи амалиёти бюрои марказии миллии Интерпол-и Вазорати корҳои дохилии Русия ҳамроҳ бо ҳамкорони Раёсати кофтукови ҷиноятии Москва дар ҳудуди пойтахт дастгир шудааст.
Ба иттилои манбаъ, Сафаралиев ба қочоқи ғайриқонунии маводи мухаддир ба миқдори махсусан калон муттаҳам мешавад.
“Тибқи иттилои ҷониби Тоҷикистон, моҳи июли соли 2012 дар вилояти Хатлон чорабиниҳои оперативӣ-ҷустуҷӯӣ гузаронида шуданд. Ҳангоме кӯшиши маъмурони интизомӣ барои тафтиши мошини ронандаи айбдоршаванда, ба Сафаралиев муяссар шуд, ки гурехта, пинҳон шавад. Баъдан мошини ӯ дарёфт карда шуд, ки дар дохили он ба миқдори беш аз 61 кг марихуана пинҳон карда шудааст”,- омадааст дар иттилоияи ВКД Русия.
Дар ҳоли ҳозир масъалаи истирдоди боздоштшуда ба Тоҷикистон баррасӣ мешавад.
