Милитсияи шаҳри Панҷакент як духтари 19-соларо бо гумони куштори шавҳари 27-солааш дастгир кардааст.
Ба иттилои Вазорати корҳои дохилӣ, ҳодиса 10-уми март, тахминан соати 09:00 рух додааст.
Гумонбаршаванда дар хонаи истиқоматиаш бо шавҳараш марди 27-солаи ҷангу ҷанҷол кардааст.
“Бо мақсади аз ҳаёт маҳрум намудани шавҳараш бо корд як маротиба ба қафаси синааш зарба зада, ӯро ба ҳалокат расонидааст”,- менависад манбаъ.
Сабаби муноқиша гуфта нашудааст ва ҳамчунин, назари гумонбар оид ба ин ҳодиса дастрас нест.
Ба навиштаи ВКД, тафтишот идома дорад.