Боздошти ду кас барои куштори ҳамзисташон дар муҳоҷират

Як ноболиғи 16 ва марди 29-солаи сокинони ноҳияи Рашту шаҳри Душанбе бо гумони куштори як марди 27-солаи ноҳияи Дӯстӣ дар муҳоҷирати меҳнатӣ аз ҷониби кормандони милитсия дастгир шудаанд.

Дар ин бора ВКД Тоҷикистон хабар медиҳад.

Гуфта мешавад, мақомот онҳоро зимни баргузор намудани чорабиниҳои оперативӣ-ҷустуҷӯӣ дастгир карда кардааанд.

“Гумонбаршавандагон 29-уми августи соли 2023, ҳангоми дар муҳоҷирати меҳнатӣ дар шаҳри Митишинаи вилояти Москваи Федератсияи Россия қарор доштанашон, куштори ҳамзисташон, марди 27-солаи сокини ноҳияи Дӯстиро тарҳрезӣ карда, ӯро бо истифода аз “гантел” ва корд ба ҳалокат расонида, маблағҳояшро гирифта, ба Ҷумҳурии Тоҷикистон фирор намудаанд”,- омадааст дар хабар.

Шахситяти гумонбаршавандагон ошкор нашудааст ва назари онҳо низ дақиқ нест.

Гуфта мешавад, нисбати гумонбаршавандагон парвандаи ҷиноятӣ бо моддаи 104 қисми 2 (Одамкушӣ) Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.