Дар натиҷаи як садама дар хиёбони Рӯдакии шаҳри Душанбе, ки рӯзи 5-уми июл рух дод, ки ду нафар ба ҳалокат расидаанд.
Бино ба иттилои дафтари матбуотии Кумитаи ҳолатҳои фавқулодаи Тоҷикистон, ронандаи автомашинаи “Мерседес-Бенс”, сокини 26-солаи ноҳияи Варзоб, ҳангоми ҳаракат аз Душанбе ба самти ин ноҳия, ба як мошини боркаши “Дулан” бархӯрдааст.
“Ҳангоми садама дар дохили сабукрав як мусофир – сокини 54-солаи ноҳияи Варзоб низ будааст. Дар натиҷаи садама ронанда ва мусофири “Мерседес-Бенс” дар ҷойи ҳодиса ба ҳалокат расидаанд”,- хабар медиҳад КҲФ.
Наҷотдиҳандагони Раёсати КҲФ дар шаҳри Душанбе ҷасади фавтидагонро аз мошин берун оварда, ба мақомоти ҳифзи ҳуқуқ супурданд.
Ронандаи мошини боркаш ҷароҳатҳои гуногун бардоштааст.
