Маҳмадумар Асозода раиси ширкати “Барқи тоҷик” 11-уми феврал зимни нишасти хабарӣ дар хусуси кай ва чӣ қадар гарон шудан нархи барқ танҳо гуфт, ин амр дар салоҳияти ҳукумат аст.
Раиси ширкати “Барқи тоҷик” гуфт, пешниҳоди боло бурдани нархи нерӯи барқ дар баррасии ҳукумат қарор дорад.
Чанд рӯз пеш дар намояндагони Хадамоти зиддиинҳисории Тоҷикистон низ гуфта буданд, эҳтимол дар соли ҷорӣ нархи нерӯи барқ дар кишвар боло равад.
Дар Тоҷикистон моҳи январи соли 2024 нархи нерӯи барқ гарон шуда буд. Тибқи он нархи нерӯи барқ барои сокинон 30,75 дирам барои ҳар киловат барқ ва 70,35 дирам барои корхонаҳо муайян шудааст.
