Аз сартарошӣ то фудблогерӣ - роҳи Шохин Муродов аз куҷо оғоз шуд?

Имрӯз Шохинро ҳазорон нафар аз наворҳои болаззат, сафарҳои гастрономӣ ва шӯхиҳои хоси ӯ мешиносанд. Аммо пеш аз он ки камера, тарабхонаҳо ва таомҳои гуногун қисми зиндагии ҳаррӯзааш шаванд, ӯ сартарош буд.

Дар қисми нави подкасти «Имрӯз бо Беҳруз» бо Шохин Муродов дар бораи он суҳбат кардем, ки чӣ тавр ӯ ба фудблогерӣ омад, кай фаҳмид, ки воқеан блогер шудааст ва шинохта шудан зиндагии ӯро чӣ гуна тағйир дод.

Кадом таомро Шохин ҳеҷ гоҳ дигар чашидан намехоҳад? Агар хӯрок писандаш наояд, ҳақиқатро мегӯяд ё хомӯш мемонад? Дар наворҳояш чанд фоиз Шохини воқеӣ ҳасту чанд фоиз «Шохин-фудблогер»? Ва дар паси кадрҳои хандаовар бо писару ҷиянаш чӣ мегузарад?

Суҳбати самимӣ, хандаовар ва, албатта, иштиҳоовар - дар қисми нави «Имрӯз бо Беҳруз».

Шарики расмии подкасти «Имрӯз бо Беҳруз» - оби нӯшокии «Сиёма».