Қатъи парвозҳои "Сомон эйр" ба фурудгоҳи "Внуково"

Ширкати “Сомон Эйр” феълан ба фурдгоҳи “Внуково”-и шаҳри Москва парвоз анҷом намедиҳад.

Радиои Озодӣ менависад, ки ширкат парвозҳоро ба ин фурудгоҳ бо сабаби дармондани даҳҳо муҳоҷири тоҷик дар Москва бас кардааст.

Ширкат расман дар ин хусус иттилоъ надодааст. Аммо кормандони нуқтаҳои билетфурӯшӣ гуфтаанд, ки феълан ширкати “Сомон Эйр” ба”Внуково” парвоз анҷом намедиҳад.

“Сомон Эйр” калонтарин ширкати ҳавопаймоии Тоҷикистон аст, ки ба даҳҳо фурудгоҳҳои Русия парвозҳо анҷом медиҳад.

Пас аз ҳодисаи “Крокус” дар Москва садҳо муҳоҷири тоҷик дар фурудгоҳҳои Русия банд монад, қисме ихроҷ ва қисме пас аз тафтиши дурударози мақомот ба Русия роҳ дода шуданд.

Хабарҳо дар хусуси боздошт ва нигоҳдории муҳоҷирони тоҷик дар фурудгоҳи “Внуково” низ борҳо расонаӣ гардида буд.