Ҳаҷми маблағи "утилизатсия" бозбинӣ мешавад

Хуршед Каримзода сардори Хадамоти гумрук гуфт, бозбинии масъалаи нобудсозии воситаҳои нақлиёт (утилизатсия), ҳаҷми маблағ ва тарзи рӯёнидани он мавриди баррасӣ қарор дорад.

Номбурда зимни нишасти матбуотӣ рӯзи 12 феврал ба хабарнигорон гуфт, дар назар аст, баъди бозбинӣ ин маблағ ҳангоми воридот рӯёнида шавад.

“То имрӯз, давоми як соле, ки маблағи нобудсозӣ ҷорӣ шуд, аз ҷониби БДА ҳангоми бақайдгирӣ маблағ рӯёнида мешуд. Ҳоло масъалаи рӯёнидани он ҳангоми воридот аз ҷониби мақомоти гумрук ва бозбинӣ намудани ҳаҷми маблағ баррасӣ шуда истодааст. Маблағи нобудсозӣ ҳам ба электромобилҳо ва ҳам ба дигар воситаҳои нақлиёт дахл дорад”,- афзуд Каримзода

 

Посмотреть эту публикацию в Instagram

 

Публикация от YOUR TJ (@your_tj)

Ӯ гуфт, новобаста ба чораандешиҳо вақтҳои охир ба Тоҷикистон мошинҳои кӯҳна бисёр ворид шуданд. Аммо шарҳ надод бо чӣ роҳ

“Махсусан, мошинҳое, ки баъди ба садама дучор шудан таъмири рӯякӣ мешаванд ва оварда ба нархи арзон дар бозорҳои ҷумҳурӣ фурӯхта мешаванд. Ин як мушкилоти ҷиддиро ба миён овардааст”,- шарҳ дод Каримзода.