Як сокини 49-солаи ноҳияи Мир Сайид Алии Ҳамадонӣ бо гумони қасдан расонидани зарари вазнин ба саломатӣ дастгир шудааст.
Ба иттилои ВКД, ин мард, ки қаблан бо чанд моддаи Кодекси ҷиноятӣ суд шудааст, рӯзи 5 декабр дар манзили худ бо ҳамсараш зани 46-сола баҳс карда, ӯро бо дасту пой ва калтакчӯб ба шиддат латукӯб намудааст.
Рӯзи 6 декабр тақрибан соати 20:30 вазъи ҷабрдида вазнин шуда, дар ҳамон хона ҷон бохтааст.
Нисбати гумонбаршаванда бо қисми 3 моддаи 110 Кодекси ҷиноятӣ (расонидани зарари вазнин ба саломатӣ, ки боиси марг шудааст) парвандаи ҷиноятӣ боз гардида, тафтишот идома дорад.
